| Tekst |
[fol. 82] 25-4-1581: Joris W(ille)msz. onsen schout oudt o(n)tre(n)t LIIII jae(re)n, Hartman
Ariaensz. van Capenborch onsen secretaris oudt o(n)trent 44 jae(re)n, Balthasar Gerritsz.
woenen(de) in Maeslant oudt o(n)trent 33 jae(re)n en(de) W(ille)m Jorisz. buijrman van
Naeldijc oudt o(n)tre(n)t 34 jae(re)n rechtel(ick) geroupen zijnde o(m)me des wairheijts
getuijchenisse te gheeven ten versoucke van Jochem Pietersz. woenen(de) in
Naeldijckerbrouck soe tuijgen warachtich te weesen dat zij deposanten daer bij en(de)
jegenwoirdich geweest zijn alwaer Jochem Pietersz. requirant voirs. vercoft heeft gehadt
tanderen tijden aene Fop Lenartsz. alsnu woenen(de) aen(de) Maesdijck zijne woninge als
huijs bijhuijs bargen en(de) geboe(m)te mette laste van zeeven gul(den) XVII½ stuver siaers
dhooffzo(m)me bedragen(de) XXI ponden groe(te)n vlae(m)s.
[fol. 90] 19-10-1582: Ten versoucke van Corn(elis) Vincentsz. Scravelaer en(de) Feijs
Ariaensz. van Schiedam medestanders met Ariaen Pietersz. van Es pachter van thorngelt van
tsoemer halve jaer de a° 1580 verclairen desen naebes(chreven) persoen(en) en(de)
heml(uijden) gehoirt voir scepen(en) van Honsholredijck den XIXen october a° 1582: .....
* Jochem Pietersz. oudt LX jae(re)n verclaert zijne woninge aen(de) Maesdijck vercoft
thebben aen een(en) Fop Lenartsz. dewelcke mette coop van(de) woninge bedongen heeft
twee pairden en(de) heeft hij deposant daer van moeten betaelen voir zijne portie XXIIII
stuvers en(de) daer over.
[fol. 96v.] 2-7-1584 stijlo novo: Pieter Huijbrechtsz. dienstknecht oudt o(n)trent XXX
jae(re)n, Corn(elis) Maertensz. oudt o(n)trent XXV jae(re)n en(de) Pieter Lenartsz. oudt
o(n)trent XXIIII jae(re)n alle bouknechten bij tleeven van W(ille)m van Hooff z: gedient
hebben(de) upden huijse van Honsholredijck inden jaere XVC LXXXIII rechtelicken
geroupen zijn(de) o(m)me des waerheijts getuijchenisse te gheeven ten versoucke van
Robrecht van Hooff en(de) Corn(elis) van Reijnegom alle erffgen(amen) van(den) selven
W(ille)m van Hooff soe tuijgen dvoirs. deposanten, ierst Pieter Huijbrechtsz. en(de)
Corn(elis) Maertensz. voirs. tuijgen apert warachtich te weesen dat heml(uijden) deposanten
beijde wel voirstaet dat W(ille)m van Hooff in zijn leeven gehuijrt heeft van Jochem Pietersz.
o(n)trent inden oost en(de) saijtijt lestleeden des jaers LXXXIII een merrijpaert o(m)me die te
wercken sdaechs om zeeven stuvers zoe dick alse vrochte. Verclairen(de) voirts dat zij
deposanten wel weeten dat dselve merrij inden selven jaere niet meer gevrocht en heeft dan
zeeven weecken ofte daer o(n)tre(n)t. Verclaerde voirts Pieter Huijbrechtsz. oick apert dat hij
naederhant van Jochem Pietersz. gehoirt heeft dat Jochem Pietersz. vertelde metten selven
W(ille)m van Hooff gesproocken thebben dat W(ille)m van Hooff desen en(de) diergelijcke
woirden soude geseijt hebben jegens Jochem Pietersz.: ‘Hoe maicken wijt mette merrij zij
gaet nu leech off ick sal met mijn paerden vrochte en(de) weijde wij en sullen immers van
tloen met malcanderen egheen scheel hebben’. |
NGV Stambomenverzameling