| Tekst |
[fol. 88] 16-3-1585: Aelgen Zijmonsdr. wed(uw)e wijlen Anthonis Corn(elis)z. inden Hoock
met hair kerckelicke voocht Willem P(iete)r Jacobsz. en(de) bekende belooft te hebben en(de)
sculdich te weesen de gemeenen erffgen(amen) kinderen en(de) kintskinderen van(de) voirn.
Anthonis Corn(elis)z. naemtelicken Joachim P(iete)rsz. als vaeder en(de) voocht van
Maritgen Joachims zijne dochter inder echte gewonnen bij Ouwe Maritgen Tonisdr.,
Corn(elis) Anthonisz. upte Lee als vader en(de) voocht van Ouwe en(de) Jonge Maritgen
Corn(elis)dren inder echte geprocreert bij Jonge Maritgen Tonisdr., Corn(elis) Corn(elis)z.
van der Poel als voocht van Corn(elis) Anthonisz., Trijngen, Geertgen en(de) Neelgen
Tonisdren inder echte geprocreert bij Loengen Corn(elis)dr. en(de) te saemen voir de twee
jonge onmondige kinderen bij naemen Loengen Tonisdr. oudt Bamis lestleden ontrent drie
jaeren en(de) Toengen Tonisdr. oudt wesen(de) sal ontrent St. Jacob naestcomen(de) een jaer
inder echte gewonnen bij haer comparante voirs. hemluijden te saemen een somme van
twaelff hondert carels guldens ter cause van wtcoop der voirs. kinderen vaders en(de)
grootvaders respective haere erffenisse en(de) besterffenisse inde woninge, goederen en(de)
den boel bij den selven Anthonis Corn(elis)z. voirs. metter doot geruijmt en(de)
achtergelaeten en(de) dat vrijs gelts van allen lasten die upten selven boel souden mogen
comen alleen wtgesondert de laste dier up souden mogen comen wten boelen van Adriaen
Maertsz. des voirs. comparants eerste man was mitsgaeders oock wten boel van Sijmon
Corsz. haere comparants vader was zaliger ge: daer van dese kinderen en(de) erffgen(amen)
voirnt. souden ofte sullen draegen sulx tselve behoiren sall haer aenpaert. |
NGV Stambomenverzameling